أســــــئلة ســــورية بتموت
ــمتسطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :شو نايم ؟؟
لأ !! عم ارقص.. بس الوضع بيوحي إني نايم
ــ معزومين ع بيت جماعة، ولما بتدقوا الباب .. بيفتح شي فهمان وبيقول :بدهشة:هه إجيتوا ؟؟؟
لا والله لساتنا عالطريق، في عجئة بشارع بغداد
ــ لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت، بيجي حدا من أهلك بيسألك، شو رايحلك شي مشوار !!؟؟
لا والله طالع عالأسطوح صلّح صحن الديجتال
ــ حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى وجهه علائم الإستغراب والدهشة:بدك تحكي بالتلفون؟
لأ شو إحكي !!! بس كنت عم جرب صوت طنة الأرقام
ــ حاطت راسك ونازل بهالكتب والدراسة، بيجي أبوك أو امك...:عم تدرس؟
لا والله ...!! عم غير زيت للسيارة
ــ مذيعة بيوم العيد عم تلف بالشوارع وتمسك كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والاقارب
لا والله بالعادة بفكر العب شدة وماروح لعندهم
ــ بتطلع بميكرو وبتطلع (خمسة ليرات)وبتعطيها للي ئدامك، وبكل برودة بيئلك: واحد ؟
لأ 60 واحد ؟ ورجعلي الباقي
ــ أشّر بأصبعته الكريمة لتكسي، وفعلاً وقفلو العينتين، بيسأله:فاضي؟؟؟؟؟
لأ ... عندي 10 طلبيات، بس وقفت حيونة
ــ بدك تنزل من الميكرو: عاليمين زكاتك.... بتتلقى الرد: نازل ؟؟ بدك تنزل من الميكرو
لا والله بس عم جرب صوتي
عدل سابقا من قبل fadi-84- في السبت 9 أكتوبر 2010 - 20:32 عدل 1 مرات
