سلام لكل اعضاء المنتدى المحترمين ..........
اليوم الصبح رحت لمكتب بيع معتمد من شركة مايكروسوفت (متل البحصة عنا بلا تشابيه) اكيد الكل بيعرف مين شركة مايكروسوفت و مين مديرها المهم كنت حابب اشتري سيدي تفاعلي من شركة سيسكو بس بسبب حقو يلي بيكسر الخاطر عدلت عن الفكرة و تحولت من زبون الى متفرج فقط و تذكرت انا و عم اتمشى بين الرفوف سوق البحصة الدولي بدمشق يلي منلاقي فيه ما هب و دب و للأمانة التاريخية يلي متعود و مدمن يزور البحصة بالاسبوع 3 او 4 مرات متلي رح يحس بالفرق الكبير و الغير طبيعي طبعا في سبب و هو الضوابط و القوانين يلي بتفرضا شركة مايكروسوفت بالسوق
يعني وقت بيشتري الواحد مجلة رقمية بسعة 9 جيجا و بتحتوي مليون برنامج يعني عنجد بيشعر الواحد انو عنا قراصنة عفوا عقول محترفة و خبيرة كمان .
عدا عن هيك في لجان لمكافحة القرصنة و السرقة و النسخ الغير مشروع يعني مثلا و بعيد الشر عني لنفترض انو عندي شركة او مكتب تجاري و عندي اجهزة كمبيوتر ايمت بيعلموا كبسة على الشركات ماحدا بيعرف و اول ما يدخلوا فورا بيتوجهو لاجهزة الكمبيوتر يلي بالمكاتب و بيكشفوا على نسخة الويندوز في حال كانت مسروقة او منسوخة يعني منصبة بشكل غير شرعي على جهاز الكمبيوتر طبعا بيعرفوا عن طريق لصاقة بتكون عجنب الكيس و بتكون حاملة لاسم نسخة الويندوز و نوعا و السيريال نمبر و باركود خاص بالنسخة و يلي بتكون نسختو غير شرعية و امو غضبانة عليه رح يتغرم غرامة مالية و قدرها حوالي 240.000 الف ليرة سوري
طبعا في حال نفد بجلدو و كانت النسخة سليمة بيلتفتوا لباقي البرامج و كمان بيتأكدوا اذا كانت منسوخة او اصلية و رح اعطيكن لمحة سريعة عن بعض منتجات مايكروسوفت :
مثلا ويندوز اكس بي سعرو حوالي 12.000 ل.س
ويندوز فيستا سعرو بيتراوح من 14.000 الى 30.000 حسب النسخة و شوفيها خصائص
مثلا الكاسبر سكاي سعرو بتراوح من 10.000 الى 20.000 كمان حسب النسخة و قديش فيها صلاحية
منتوجات شركة الادوبي تبدأ اسعار اقراصها من 5000 الى 40.000 حسب البرامج طبعا
الاسعار مو 100% فيكون تقولوا 90%
و الارقام كلها بالعملة السورية
و دمتم و دامت لنا سورية الحبيبة و مركز البحصة العالمي
رفقت مع الموضوع صورة بتوضح شكل اللصاقة و بيظهر فيها السريال نمبر و اسم النسخة
اليوم الصبح رحت لمكتب بيع معتمد من شركة مايكروسوفت (متل البحصة عنا بلا تشابيه) اكيد الكل بيعرف مين شركة مايكروسوفت و مين مديرها المهم كنت حابب اشتري سيدي تفاعلي من شركة سيسكو بس بسبب حقو يلي بيكسر الخاطر عدلت عن الفكرة و تحولت من زبون الى متفرج فقط و تذكرت انا و عم اتمشى بين الرفوف سوق البحصة الدولي بدمشق يلي منلاقي فيه ما هب و دب و للأمانة التاريخية يلي متعود و مدمن يزور البحصة بالاسبوع 3 او 4 مرات متلي رح يحس بالفرق الكبير و الغير طبيعي طبعا في سبب و هو الضوابط و القوانين يلي بتفرضا شركة مايكروسوفت بالسوق
يعني وقت بيشتري الواحد مجلة رقمية بسعة 9 جيجا و بتحتوي مليون برنامج يعني عنجد بيشعر الواحد انو عنا قراصنة عفوا عقول محترفة و خبيرة كمان .
عدا عن هيك في لجان لمكافحة القرصنة و السرقة و النسخ الغير مشروع يعني مثلا و بعيد الشر عني لنفترض انو عندي شركة او مكتب تجاري و عندي اجهزة كمبيوتر ايمت بيعلموا كبسة على الشركات ماحدا بيعرف و اول ما يدخلوا فورا بيتوجهو لاجهزة الكمبيوتر يلي بالمكاتب و بيكشفوا على نسخة الويندوز في حال كانت مسروقة او منسوخة يعني منصبة بشكل غير شرعي على جهاز الكمبيوتر طبعا بيعرفوا عن طريق لصاقة بتكون عجنب الكيس و بتكون حاملة لاسم نسخة الويندوز و نوعا و السيريال نمبر و باركود خاص بالنسخة و يلي بتكون نسختو غير شرعية و امو غضبانة عليه رح يتغرم غرامة مالية و قدرها حوالي 240.000 الف ليرة سوري
طبعا في حال نفد بجلدو و كانت النسخة سليمة بيلتفتوا لباقي البرامج و كمان بيتأكدوا اذا كانت منسوخة او اصلية و رح اعطيكن لمحة سريعة عن بعض منتجات مايكروسوفت :
مثلا ويندوز اكس بي سعرو حوالي 12.000 ل.س
ويندوز فيستا سعرو بيتراوح من 14.000 الى 30.000 حسب النسخة و شوفيها خصائص
مثلا الكاسبر سكاي سعرو بتراوح من 10.000 الى 20.000 كمان حسب النسخة و قديش فيها صلاحية
منتوجات شركة الادوبي تبدأ اسعار اقراصها من 5000 الى 40.000 حسب البرامج طبعا
الاسعار مو 100% فيكون تقولوا 90%
و الارقام كلها بالعملة السورية
و دمتم و دامت لنا سورية الحبيبة و مركز البحصة العالمي
رفقت مع الموضوع صورة بتوضح شكل اللصاقة و بيظهر فيها السريال نمبر و اسم النسخة
عدل سابقا من قبل وسيم اسكندر في الثلاثاء 16 مارس 2010 - 7:10 عدل 1 مرات (السبب : تلوين البند الهام)
