من طرف fadi-84- الجمعة 28 مايو 2010 - 14:50
ههههههه
حلوه أخ حيان
وسماع هاي كمان شيطان عم يحكي مع حالو
لك يخرب بيت قلبكن إنتو بدكن شيطان إنتو
كنت ناوي فوتكم كلكم على جهنم بس لقيت حالي رح فوت عالجنة
بخطيتكم على قد ما عم تعملوا فيي
كنت علم الناس تسرق قام ما عد لقيت لقمة آكلها
كنت علمكم تطقوا براغي لبعض وتسحبوا الكراسي من تحت بعض
يعني هيك بتنتشر البطالة والجوع قام سحبتوا الكرسي من تحتي
وصرت لا شغلة ولا عملة وماني ملاقي حتى مين يسمعلي
لأنو على حد قولكم يابعدي صارت كل خططي قديمة وفاقسة وبايخة
وصار بدكم شيطان بروفيشنال على قياسكم
لك حتى لما علمتكم تتبلوا بعض وتلبسوا التهم لبعض
صرتوا شو ما أذيتو بتدحشوها بظهري وعلى قولة
والله ماكان بدي إعمل هيك يلعن أبو الشيطان
مع إنو الفكرة بتكون طالعة من بنات أفكاركم ولا أنا ولا أبي إلو علاقة فيها
ويلا على دعاوي علي وعلى أبي اللي جبتولوا الجلطة و مات من تحت راسكم
والله صرت خايف على حالي منكم
خايف تنزعولي أخلاقي صرت لما إعمل شي فصل ناقص مع حدا
بيقلولي شو عم تتشبه بالبشر أعوذ بالله
خلص قربت والله قربت
وراحت عليك يا شوشو
